الطيرة: ممرضة تنقذ شابًا من الموت في الشارع

“لحظة بتغيّر كل شي…”

رسالة مؤثرة من الممرضة إيمان مطر من مدينة الطيرة، تحكي فيها عن موقف إنساني ما بينتسى:

مبارح، وأنا طالعة للعشاء مع زميلتي، شفنا حادث صعب على الطريق. شابين كانوا بموقع الحادث، وواحد منهم ممدد على الأرض، بدون نفس… بدون نبض.

كـ ممرضة، ما قدرت أمر مرور الكرام. نزلت فورًا، وبلّشت بالإنعاش القلبي – עיסוי חזה – دقائق قليلة، ورجع النفس… ورجع النبض. لحظة مستحيل أنساها.

وصل الإسعاف، ونقلوه للمستشفى، وأنا بقيت معه للآخر.

مش عم بكتب هالشي للتقدير أو المديح، لكن حتى أذكّر:
الإنسانية مش موقف… هي أسلوب حياة.

خليك مستعد دايمًا تساعد، بكلمة، بوقفة، أو بيد تمتد للحياة.

كل الاحترام لإيمان مطر… فخر الطيرة